O prezo do aluguer na cidade de Pontevedra, entre os que máis soben en España
Por Oskar Viéitez
Segundo o informe semestral de prezos de aluguer de www.pisos.com, o piso tipo de aluguer na cidade de Pontevedra está entre as capitais de provincia que máis soben de toda España.
Concretamente, o pasado mes de xuño rexistrou un 4,10% de incremento, o que sitúa á cidade do Lérez no sexto lugar entre as que máis soben do país.
Pontevedra, cunha media de 514 euros ao mes, é a cidade máis cara de Galicia.
Galicia rexistrou en xuño de 2015 unha renda media de 473 euros mensuais e unha superficie media de 94 metros cadrados, o que supón un descenso semestral do -1,94%. Respecto a xuño de 2014, o descenso é do -4,23%. Mensualmente, rexistra un descenso do -0,76%, e trimestralmente do -0,98%.
Galicia é a terceira autonomía coa mensualidade máis barata para os inquilinos.