Os ceos permanecerán despexados ata finais da semana
Por Redacción
A influencia anticiclónica permanecerá durante os primeiros días desta semana na zona das Rías Baixas. Os ceos permanecerán despexados en xeral. As temperaturas mínimas experimentarán un lixeiro ascenso durante este luns 7 mentres que as máximas non rexistrarán cambios significativos situándose as mínimas en 15 graos mentres que as máximas alcanzarán os 28 graos. Os ventos soprarán de compoñente norte frouxos en xeral.
O martes irase debilitando a influencia do anticiclón e aparecerán brumas costeiras nas Rías Baixas. Os termómetros oscilarán entre os 15 e os 26 graos con ventos frouxos de dirección variable.
Na xornada do mércores debilitarase a influencia anticiclónica con ventos moi frouxos, segundo as previsións de MeteoGalicia, que propiciarán o achegamento de aire máis húmido ao litoral. Entrarán brumas e as temperaturas descenderán na zona de costa con ventos que soprarán frouxos de dirección variable, con predominio de brisas pola tarde. As temperaturas situaranse entre os 11 e os 24 graos.
De cara ao fin de semana, as Rías Baixas quedarán baixo a influencia das borrascas atlánticas que deixarán xornadas inestables con alta probabilidade de chuvias. As temperaturas tenderán a descender ante o achegamento de aire marítimo frío nas capas baixas da atmosfera que rematarán ascendendo.