As entidades privadas pagarán unha taxa no Grove polo uso de espazos públicos
Por Redacción
O Concello do Grove traballa nunha ordenanza para que as entidades privadas paguen taxas polo uso de espazos públicos. Esta normativa pretende dar solución ao problema detectado no relativo a empresas privadas que fan uso dos espazos públicos sen abonar ningún tipo de gasto.
Desde o goberno municipal, aseguran que se reciben numerosas solicitudes para o uso de instalacións municipais por parte de entidades privadas. A inexistencia dunha ordenanza reguladora de taxas por este tipo de usos provoca un "baleiro" que foi aproveitado por esas entidades para distintas actividades.
O goberno local considera necesario que se priorice o uso público das instalacións existentes, e deste xeito dende o mes de xullo, estase traballando nunha ordenanza na que se establecen unhas taxas de uso destes espazos, eximindo das mesmas ás entidades culturais, recreativas, sociais, benéficas e sen fins de lucro.
Deste xeito garántese, segundo o Concello, que non se realicen actividades con fins comerciais ou lucrativos en espazos públicos.
O borrador desta taxa foi remitido aos voceiros os grupos municipais para a súa revisión e discusión co obxectivo de sometelo á aprobación do pleno do mes de novembro.