O Club Baixo Miño aparcou os seus "clásicos populares" na Praza de España
Por Redacción
Foi un aliciente máis para pasear por Pontevedra o domingo. A praza de España amenceu chea de vehículos "clásicos populares".
O Club Baixo Miño está integrado por propietarios de coches cunha antigüidade mínima de 30 anos.
Así se puideron ver fronte á Casa Consistorial, coches velliños que seguen circulando pola estrada como o Volkswagen "escaravello", o histórico Seat 600, un Seat 127, un Mercedes convertible, e outros con máis anos como un Fiat 124 Coupé, un MG Coupé, un Mustang.