Defensa reforza o carácter universitario da Escola Naval habilitando un Centro de Investigación
Por Oskar Viéitez
O comandante director da Escola Naval, José María Núñez, informou que Marín acollerá un centro de investigación adscrito ao Centro Universitario da Defensa.
Para iso acondicionarase un dos edificios situados na dársena militar.
A reforma interior do inmoble será custeada polo Ministerio de Defensa.
O reitor da Universidade de Vigo, Salustiano Mato, xa adiantou que a institución académica colaborará compartindo equipamento.
A previsión é que este centro de investigación estea operativo para o próximo curso para poder desenvolver con todas as garantías o labor investigador do título de grao de Enxeñería Mecánica.