Contemplan a construción dun muro no río Bispo para evitar o seu desbordamento
Por Redacción
O goberno local de Bueu estuda as posibilidades de actuación no canle do río Bispo para tentar evitar que se produzan desbordamentos como o do pasado luns, 7 de decembro.
Tras inspeccionar a zona xunto aos concelleiros de Obras e Urbanismo, o alcalde, Félix Juncal, recoñeceu que estudan a construción dun muro no tramo central, xunto ao colexio Virxe Milagrosa.
O principal problema xerado polas crecidas do río son os tapóns que se producen nas reixas, por mor da vexetación arrastrada, que provocan inundacións nos terreos anexos e chegan, como o luns, a rúas da vila como Pazos Fontenla.
A intención é aumentar a capacidade da canle. Así o reflicte un estudo que será remitido a Augas de Galicia, organismo competente e que debe autorizar calquera actuación.