Rajoy regresará a Pontevedra para pasar o Fin de Ano coa súa familia
Por Redacción
As eleccións xerais, celebradas en España o pasado 20 de decembro, alteraron os habituais plans do Nadal de Mariano Rajoy.
Habitualmente, o presidente do Goberno en funcións regresaba a Sanxenxo e Pontevedra para pasar cos seus tan sinalados días como Noiteboa e Nadal. Pero este ano as súas obrigacións de Estado impedíronllo... ata Fin de Ano.
Segundo fontes de Moncloa, Rajoy volverá á cidade de Pontevedra -onde foi agredido na súa última visita- para pasar a Noitevella en familia, despois de quedar en Madrid, xunto á súa muller, os seus fillos e o seu pai, para pasar a noite do 24 de decembro e o día de Nadal.
Mariano Rajoy desprazarase a Galicia despois de reunirse o vindeiro luns 28 de decembro cos líderes de Podemos e Ciudadanos, Pablo Iglesias e Albert Rivera respectivamente, na rolda de contactos que está a protagonizar para tratar de formar goberno tras ser a lista máis votada nas eleccións.
Ademais, antes de gozar do fin de ano en casa, o presidente do Goberno en funcións terá tamén que presidir o último Consello de Ministros do ano, previsto para o martes.