Ethel Vázquez segue sen atender a petición de entrevista de Barro
Por Oskar Viéitez
O alcalde de Barro, Xosé Manuel Fernández Abraldes, remitiu unha nova misiva á conselleira de Infraestruturas, Ethel Vázquez, para insistirlle na súa petición de entrevista, que non ten máis propósito que tratar a mellora da estrada PO-531.
"A seguridade viaria en todo o noso concello, e en concreto o que ten que ver coa PO-531 é para min unha das maiores preocupacións na acción de goberno, preocupación compartida por toda a corporación e os veciños e veciñas do municipio", di Abraldes no seu escrito.
O rexedor nacionalista solicitou unha entrevista con Vázquez o pasado 30 de setembro, tras a reunión cos veciños de Curro que participan na plataforma que demanda a mellora do viario desde Pontevedra.
"A boa relación entre administracións debe levar implícito o respeto institucional", lembra o alcalde de Barro
Ante a falta de resposta reiterou a súa petición en varias ocasións máis, con idéntico resultado: a falta de resposta da responsable de Infraestruturas.
"A boa relación entre administracións debe levar implícito o respeto institucional", lembra o alcalde de Barro.
"Eme igual que a cita sexa na Consellería ou nunha visita súa ó noso municipio, pero agardo que esta sexa a maior brevidade posible", conclúe a carta.
Relacionadas:
-
A Xunta prevé iniciar en abril os trámites de contratación da primeira fase de reforma na PO-531
Por Redacción |
-
Barro pide a Tráfico que informe a Fomento da inseguridade vial en San Antoniño
Por Redacción |
-
Os veciños esixen á Xunta a reforma da estrada de Vilagarcía
Por Redacción |
-
Cinco feridos nun espectacular accidente na curva da gasolineira de Curro
Por Diego Torrado |
-
Abraldes demanda á Xunta melloras urxentes na seguridade da PO-531
Por Redacción |