O Concello de Bueu contrata o balizamento das praias
Por Redacción
A sala de xuntas do Concello de Bueu acolleu este mércores dúas mesas de contratación correspondentes ao servizo de subministración de extintores e de balizamento de praias.
A única empresa que se presentou ao balizamento das praias foi Servisub Bueu cunha oferta, de 10.105 euros, IVE incluído, polo que se propuxo a contratación a favor de dita empresa.
Os traballos a realizar son o balizamento das praias de Lapamán, Portomaior, Banda do Río, Area de Bon e Loureiro, que terá que estar activo entre o 1 de xuño e o 30 de setembro, para verificar o estado xeral do balizamento, o número de boias e a súa aliñación, ademais de posibles perdas.
No caso do servizo de contra incendios en vehículos municipais e edificios dependentes do Concello de Bueu, foron tres as empresas que se presentaron, e a mesa de contratación decidiu que unha delas entrou en baixa temeraria, polo que se pedirá un informe ao técnico do Concello, ademais de requirirlle documentación xustificativa.
As tarefas a realizar neste caso son as de mantemento preventivo, con revisións periódicas, e mantemento correctivo, que inclúe a reposición de elementos avariados ou rotos, e das recargas de gas extintor.
Relacionadas:
-
Bueu quere mellorar o acceso á praia de Banda do Río
Por Redacción |
-
Avanza a bo ritmo a limpeza das praias de Marín
Por Redacción |
-
Instalarán balizas para sinalizar accesos a portos e polígonos de bateas
Por Oskar Viéitez |
-
Retiran uns bolardos tras as queixas de comerciantes e veciños
Por Redacción |