O PP denuncia ante a Valedora do Pobo o goberno da Deputación por retirarlle o dereito a réplica
Por Redacción
O grupo provincial do Partido Popular denunciou ante a Valedora do Pobo ao goberno bipartito da Deputación de Pontevedra ao entender que está a dificultar o labor de oposición.
A valedora Milagros Otero Parga recibiu aos representantes populares Nidia Arévalo, Luís Aragunde e Salomé Peña.
A portavoz popular Nidia Arévalo explicou que se quitou o dereito de réplica nos plenos e limítase a participación nunha única intervención por tema. Criticaron tamén que a Deputación de Pontevedra é a única das institucións provinciais na que eliminan a réplica e na que tamén teñen cronómetros para controlar o tempo das intervencións. Arévalo considera que non queren escoitar ningunha crítica.
Ademais, sinalan que este novo bipartito impídelles o acceso á sala de prensa da institución provincial, relegando aos populares a outra sala onde teñen que facer declaracións "de pé e escondidos nun soto do edificio administrativo".
Relacionadas:
-
Milagros Otero: "os meus obxectivos son a educación en dereitos e abrir a institución á cidadanía"
Por Oskar Viéitez & Mónica Patxot |
-
A Valedora do Pobo lembra ao PP que a lei dá a razón a Carmela Silva na súa regulación dos plenos
Por Oskar Viéitez | Creada e actualizada
-
Unha gran bronca provoca que o Pleno da Deputación se celebre a porta pechada
Por Oskar Viéitez |