Un turismo incéndiase ante o Centro de Saúde da Parda
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/424/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/577518cf00-13548787_1537903759559935_2091823630_o.jpg)
© Marcela Barsce
![](/web/cache/scene/uploads/fotos/foto/600/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/577518f42e-001.jpg)
CC BY-NC-SA PontevedraViva
Unha condutora viuse sorprendida esta tarde cando se puxo ao volante do seu vehículo aparcado fronte ao Centro de Saúde da Parda. Acendeu o turismo e inmediatamente orixinouse un incendio na contorna do motor do coche cunha potente lapa que provocou a reacción da condutora. Inmediatamente saíu do vehiculo e retirou a cadeira de bebé que levaba nos asentos traseiros, segundo apuntaron testemuñas presenciais.
Un veciño e axentes da Policía Local tentaron sufocar as lapas con extintores do centro de saúde. Con todo, o resultado foi infrutuoso. Os veciños alertaron aos bombeiros do Parque de Pontevedra que, minutos despois, chegaban á zona e lograban apagar o lume sen que se producisen danos ao mobiliario urbano nin a outros vehículos.
O incidente causou a alarma entre usuarios do centro de saúde e de veciños que se atopaban pola zona. Segundo os primeiros indicios, o incendio orixinouse por un curtocircuíto no sistema eléctrico do vehículo.
Incendio dun coche ante o Centro de Saúde da Parda
© PontevedraViva