Ningún galego entre os ministros do novo Goberno de Rajoy
Por Alejandro Espiño
Ao final non haberá ningún ministro galego no segundo Goberno de Mariano Rajoy. A pesar de que nos últimos días estívose rumoreando varios nomes como posibles ministros -entre eles a deputada pontevedresa Pilar Rojo-, Rajoy decidiu que ningún outro galego lle acompañe na súa nova lexislatura na Moncloa.
Así llo comunicou Rajoy ao rei Felipe VI este xoves tras despachar co monarca por espazo duns 45 minutos.
O presidente do Goberno, investido hai apenas uns días, volve botar man do seu círculo de confianza para configurar o seu segundo executivo. Pero del quedan fóra os galegos, xa que sae Ana Pastor, que dimitiu do seu cargo como ministra de Fomento para presidir o Congreso dos Deputados.
O novo Goberno de Mariano Rajoy é o seguinte:
- Soraya Sáez de Santamaría, vicepresidenta e ministra da Presidencia
- Luís de Guindos, ministro de Economía, Industria e Competitividade.
- Cristóbal Montoro, ministro de Facenda e Función Pública.
- Alfonso Dastis, ministro de Asuntos Exteriores e Cooperación.
- Rafael Catalá, ministro de Xustiza.
- María Dolores de Cospedal, ministra de Defensa.
- Juan Ignacio Zoido, ministro de Interior.
- Íñigo de la Serna, ministro de Fomento.
- Íñigo Méndez de Vigo, ministro de Educación, Cultura e Deporte.
- Fátima Báñez, ministra de Emprego e Seguridade Social
- Álvaro Nadal, ministro de Enerxía, Turismo e Axenda Dixital.
- Isabel García Tejerina, ministra de Agricultura, Pesca, Alimentación e Medio Ambiente.
- Dolors Montserrat, ministra de Sanidade, Servizos Sociais e Igualdade.
Todos eles xurarán ou prometerán o seu cargo nos seus respectivos ministerios este venres. Xa pola tarde participarán na primeira reunión do Consello de Ministros que estará presidido por Mariano Rajoy.