Pontevedra inspirará o deseño de máis de mil cidades chinesas que se construirán proximamente
Por Redacción
Pontevedra pode ser o modelo no que se inspiren unhas mil pequenas cidades chinesas que irán nacendo nos vindeiros anos, tal como dixo o director de desenvolvemento urbano do China Fortune Land Development Institute, Li Yufeng.
Ese foi o principal motivo de convidar ao alcalde, Miguel Anxo Fernández Lores, a dar unha charla no seu instituto de estudos, unha pequena universidade sobre planificación urbana que depende desta enorme empresa chinesa adicada a desenvolver solo urbano en todo o mundo, pero especialmente dentro deste país.
"O que máis nos gusta é aprender novos conceptos que axuden á xente a ser feliz", dixo Yufeng, que respondeu cun rotundo "si" á pregunta de si cre que será posible ver no futuro algunha cidade china co tráfico de coches domesticado, ou unha cidade sen coches, ao estilo de Pontevedra.
Segundo a información trasladada polo Concello, están completamente decididos a afondar tanto nos aspectos académicos relacionados co deseño e a investigación no relativo á planificación das cidades, como a aplicalos a esta nova xeira de pequenas cidades, para o que xa están en contacto coas autoridades rexionais de numerosos lugares, especialmente de arredor de Pekín, Shanghai, Cantón e a conca do río Yang Tse.
O proceso de construción das novas cidades inclúe a restauración de pequenas entidades de poboación que existen en amplas áreas nas que interveñen.
Yufeng recoñeceu, durante a conferencia, que hai 12 anos escoitou por primeira vez en Europa os conceptos das cidades sen coches, e tras afondar na procura, coñeceron o caso de Pontevedra a través dunha reportaxe da televisión francesa. A partires de aí puxéronse a investigar e entraron en contacto co Concello a través dun exportador galego de peixe en conserva.
"Temos que ter soños, para poder facelos realidade", foi a principal conclusión do director Li Yufeng tras escoitar a Lores describir polo miúdo o modelo pontevedrés ante un público de técnicos da empresa e directivos urbanísticos de diversos lugares, nun acto que durou case tres horas e que estivo cheo de preguntas tanto sobre o proceso, os coste económico de levalo a cabo, o tráfico de necesidade ou os conflitos que plantexan as bicis aos peóns, ao que Lores respondeu que a principal ameaza é a dos coches sobre as bicis, e non ao revés.
No estrado que este luns ocupou Lores disertará o martes o afamado arquitecto español Rafael Moneo, que inaugura próximamente unha adega na capital chinesa.
Relacionadas:
-
O Concello de Pontevedra colabora cun proxecto para promover as relacións de Galicia con China
Por Oskar Viéitez & Cristina Saiz |
-
Na bienal "Cidades en Transición" de Grenoble falarase da "desautoxicación" de Pontevedra
Por Redacción |
-
Nova Orleans fíxase en Pontevedra para recuperar o seu centro histórico
Por Alejandro Espiño |
-
Andorra, Grenoble e Sète, interesadas no modelo de cidade de Pontevedra
Por Redacción |
-
O PP pide coñecer o custo e a axenda da viaxe do Concello a Pequín
Por Redacción |
-
A alta contaminación de Pekin obriga o alcalde de Pontevedra a poñer a máscara
Por Redacción |
-
Pontevedra, premiada pola mobilidade amable na cidade chinesa de Shenzhen
Por Redacción |
-
Un premio en Shenzhen e unha conferencia en Pekín, novos fitos de Pontevedra na China
Por Alejandro Espiño |