A ONCE converte a 2.100 escolares de Pontevedra en "activistas contra o acoso"
Por Redacción
Un total de 2.177 escolares e 51 profesores de 39 centros educativos de Pontevedra convertéronse en "activistas contra o acoso" grazas á súa participación no 33 concurso escolar da ONCE e a súa fundación, que convida os docentes e estudantes a traballar e reflexionar xuntos sobre o bullying.
O concurso ofreceu ferramentas para detectar, sensibilizar e actuar contra as situacións de acoso que se poidan producir na escola.
Desta maneira, os escolares convertéronse por si mesmos en axentes de cambio para actuar contra o bullying, con toda a forza do grupo-aula.
Segundo datos do Ministerio de Educación, este fenómeno alcanza ao 4% do alumnado e os expertos afirman que preto dun 10% dos afectados son menores con discapacidade.