Chega a terceira edición do festival de publicidade We are Ads
Por Redacción
O festival de publicidade We are Ads chega á súa terceira edición.
Creado e pensado para estudantes universitarios e promovido dende a Facultade de Ciencias da Comunicación, o evento vai acompañado dunha semana previa de actividades de charlas e obradoiros sobre fotografía, deseño, edición...
Comeza o luns 13 de marzo e remata o xoves 16 cunha gala no Teatro Principal a partir das 20.30 horas, e na que se entregarán os premios deste concurso para o que se crearon 13 categorías. Ademais, tamén se entrega un premio do xurado e outro do público.
A Concellaría de Promoción da Cidade apoia esta iniciativa xa que na programación deste ano os organizadores acordaron introducir á Boa Vila no festival a través de patrocinadores-colaboradores que son pequenos comercios da cidade, que son os que entregan os agasallos dos gañadores.
Ademais, na pasada edición, o Concello empregou un dos videos gañadores como marca da cidade.