Patxi López explicará o domingo en Pontevedra o seu proxecto para o PSOE
Por Redacción
Esta fin de semana Patxi López celebrará diversos actos con militantes do PSdeG-PSOE en diferentes provincias. Unha das citas máis destacadas será o encontro que na mañá do domingo (12:30 h.) manterá no Café Moderno de Pontevedra cos militantes e simpatizantes socialistas da cidade.
O acto servirá para que o ex lehendakari, aspirante a secretario xeral do PSOE nas primarias que o partido celebrará a finais do mes de maio, explique o seu proxecto para a nova etapa do PSOE, pero sobre todo -destacan desde o equipo de López- para que os asistentes podan plantexar dúbidas, preguntar, propoñer... todo canto estimen oportuno, en definitiva, para "escoitar e dialogar", aseguran.
Nesa liña, o acto será aberto á cidadanía, non só restrinxido a militantes, porque "só escoitando a todos os que nos queren, aos que desexan o mellor para o PSOE, volveremos construír un proxecto de maiorías, gañador", destacan desde a organización.
Patxi López, o primeiro dos tres aspirantes a liderar do PSOE que visita a cidade de Pontevedra, será presentado polo deputado Guillermo Meijón, compañeiro seu no Congreso e un dos redactores das propostas en materia de ensino recollidas no documento "Más de 100 razones para unir al PSOE", presentado recentemente pola candidatura de López.
Relacionadas:
-
Patxi López, parada pontevedresa para defender a integración no PSOE: "Si seguimos divididos, perderemos todos"
Por Natalia Puga & Diego Torrado |
-
Un Pedro Sánchez "muy animado" polas primarias do PSOE dáse un baño de masas en Ponte Caldelas
Por Alejandro Espiño & Mónica Patxot |
-
Carmela Silva lamenta que Andrés Díaz use o Concello de Ponte Caldelas para promocionar a Pedro Sánchez
Por Anxo Lourido |
-
Ponte Caldelas, primeira parada galega na campaña de Pedro Sánchez polo liderado do PSOE
Por Alejandro Espiño |
-
Carmela Silva vai apostar por unha muller para a Secretaría Xeral do Partido Socialista
Por Oskar Viéitez |