CC.OO. critica a falta de flexibilidade de Ence para buscar novas localizacións para a planta de biomasa
Por Redacción
O secretario comarcal de Comisións Obreiras, José Luis García Pedrosa, reclamaba este venres a Ence outra actitude para a xestión da planta de biomasa. Neste sentido, reclamaba maior flexibilidade por parte da dirección á hora de aceptar as propostas que poidan realizar os alcaldes da contorna de Pontevedra e non pecharse a contemplar a ubicación da planta unicamente en Lourizán, como manifestou a empresa.
"Ence ten posicións maximalistas", afirmaba García Pedrosa.
O representante sindical afirma que tamén é necesario saber o rendemento e o custo económico que lle supoñería á empresa a construción da planta noutro punto.
García Pedrosa indicou que nestes momentos a actividade sindical atópase en plena efervescencia porque se está a negociar o convenio colectivo da fábrica desde hai máis dun mes e o luns constituíase a comisión negociadora do comité de oficinas.
Nesta negociación, segundo apuntou o sindicalista, non se terá en conta a garantía da continuidade da empresa e manterase unha liña similar á dos anteriores convenios colectivos porque Ence non sufriu as consecuencias da crise e os beneficios son parecidos aos dos últimos anos. Será unha negociación dura, apuntaba García Pedrosa.
Relacionadas:
-
Ence espera que a tramitación da autorización da planta de biomasa en Lourizán conclúa nuns dous anos
Por Oskar Viéitez |
-
O Partido Popular e ENCE son protagonistas dun "vodevil moi malo", segundo Carmela Silva
Por Oskar Viéitez |
-
A APDR rexeita "rotundamente" unha planta de biomasa en Cerdedo-Cotobade
Por Oskar Viéitez |
-
Mosquera critica as "moi desafortunadas declaracións" de Nuñez Feijóo
Por Oskar Viéitez & Mónica Patxot |
-
Se o Concello non dá licenza a Ence para a planta de biomasa, a Xunta aprobará un plan sectorial
Por Alejandro Espiño |