Sae a licitación a explotación de quioscos e servizos nas praias de Marín
Por Redacción
O Boletín Oficial da Provincia publicou este luns 8 de maio o anuncio do proceso de licitación para a explotación dos servizos de tempada nas praias de Marín.
Trátase en concreto da explotación de cinco quioscos nos areais de Portocelo, Mogor, Aguete, Loira e O Santo e os servizos de aluguer de hidropedais (Mogor), piraguas (Aguete) e táboas de paddle surf (Aguete).
O proceso de licitación tramítase pola vía de urxencia coa intención de establecer os contratos na maior brevidade posible cunha vixencia que se prolongará ata o 31 de outubro.
As bases establecen que as persoas interesadas deben presentar as súas solicitudes no prazo de 8 días hábiles desde a publicación, é dicir, ata o próximo 16 de maio.