Máis de 60 persoas vixiarán as praias de Sanxenxo durante este verán
Por Redacción
As 11 praias que contan con bandeira azul en Sanxenxo: O Espiñeiro-A Lanzada, Silgar, Baltar, Canelas, Paxariñas, Montalvo, Bascuas, Pragueira, Major, Foxos e Areas Gordas-A Lapa, ademais de Areas e Caneliñas contarán cun mínimo de 60 persoas, socorristas e sanitarios, para encargarse da vixilancia durante este verán.
Esta fin de semana incorporaranse 10 persoas máis a estes labores de vixilancia e Areas, Silgar, Canelas e Montalvo xa contan con socorristas desde o 16 de xuño. Con estes labores atópase incorporada a embarcación de salvamento que vixía todo o litoral desde Areas ata A Lanzada.
Os socorristas que este ano foron seleccionados contarán para o próximo verán con máis opcións de ser contratados. Ademais, o goberno de Telmo Martín anunciou que ten a intención de mellorar o soldo do persoal de vixilancia e aumentar o período de contratación.
O goberno sinala que ten que dar un salto cualitativo na atención e coidado das praias para que os areais dispoñan de todos os servizos desde o 1 de xuño.
Relacionadas:
-
Os socorristas atenderon en xullo 507 picaduras de fanecas nas praias de Sanxenxo
Por Redacción |
-
Sanxenxo iza as bandeiras azuis nas súas praias
Por Redacción |
-
Izadas as bandeiras azuis e preparados os socorristas, empeza a tempada de praias
Por Oskar Viéitez |
-
Sanxenxo reforza a brigada de limpeza de praias coa contratación de 15 persoas
Por Redacción |
-
Sanxenxo ultima a posta a punto das súas praias
Por Oskar Viéitez |
-
Telmo Martín reforzará o persoal dos servizos sociais e os socorristas
Por Oskar Viéitez |