Bueu organiza un roteiro polos pazos da vila e unha xornada de petanca
Por Redacción
A concellaría de deportes de Bueu segue esta semana coas actividades deportivas gratuítas e que fomentan a saúde e o exercicio físico.
Así, este mércores, 2 de agosto, sairá ás 10.00 horas dende a Praza Massó un roteiro saudable que percorrerá os pazos da vila, concretamente o Pazo de Santa Cruz e o de Ouril. A camiñada terá unha dificultade moderada e durará un máximo de dúas horas. Dende o servizo de deportes recoméndase levar calzado adecuado, gorra, barras enerxéticas e bebida.
Pola súa banda, o venres continuarán as xornadas de xogos tradicionais na rúa Xosé María Estévez (xunto ao composteiro). Dado o éxito da pasada semana, a partir das 11.00 horas, todas as persoas interesadas, sen límite de idade, poderán aprender achegarse ata estes xogos.
Seguindo tamén co impulso dos xogos, este martes, pequenos e maiores puideron gozar na Praza Massó dunha gran variedade de xogos populares.