Reparten entre os veciños o compost producido polo módulo comunitario de Portonovo
Por Redacción
Este xoves repartíronse 500 litros de compost entre os veciños participantes no módulo de compostaxe comunitaria instalada no parque do Espiñeiro, en Portonovo.
Desde o mes de febreiro, e tras catro meses de funcionamento, este composteiro comezou a producir o seu propio compost nos seus seis módulos que posteriormente se aumentaron con dous máis.
O material entregouse tras unha revisión de Carlos Silva, o mestre composteiro da zona, distribuíndo a parte máis fina e devolvendo ao depósito os residuos máis grosos.
Aos poucos vai aumentando o número de veciños que achegan os residuos orgánicos a esta zona, tendo así unha media de enchido de depósito de 16 días.