Os damnificados polos incendios recibirán 3.420 euros da gala benéfica solidaria
Por Redacción
A coordinadora 'Ponte Caldelas Solidaria' ofreceu os datos da cantidade económica recadada na gala benéfica que irá destinada a Cáritas para axudar a aquelas familias que se viron damnificadas polos incendios no municipio. A cantidade ascende a 3.420 euros, obtida a través da venda das entradas, que se esgotaron, como de tickets da "Fila Cero", con achegas de persoas que querían colaborar pero que non podían asistir a esta cita solidaria.
No evento participaron humoristas como Tacho González, Miguel Sincero, Federico Pérez e Pepo Suevos, ademais dos grupos Laranxada de Limón, Mushu, Guillermo Castro, Mari Costa, Os Coribantes, Stökk, Son das Tabernas, Sete Cuncas e AnodhoR.
Por outra banda, tamén se están levando a cabo poxas na rede social Instagram cunha serie de lotes diarios doados por preto dun centenar de empresas de toda España.
Cada día están a obterse ao redor de 55 euros a través dos lotes que saen a concurso entre as 9.00 e as 22.00 horas. Estes fondos tamén irán á conta de Cáritas- Concello co mesmo obxectivo de axudar aos veciños afectados.
Este venres 24 celebrarase ademais a cea solidaria de Cáritas na Discoteca Reivi á que xa se apuntaron 150 persoas. Tamén haberá actuacións musicais con cancións mexicanas e sevillanas a cargo da Asociación de Mulleres Rurais Aires del Norte y Olé.
Relacionadas:
-
A experiencia de Ponte Caldelas cos incendios de 2017 chega á Universidade de Santiago
Por Redacción |
-
Recadan máis de oito mil euros para os afectados polos incendios en Ponte Caldelas
Por Redacción |
-
Ponte Caldelas celebra este domingo a xornada solidaria cos damnificados polos incendios
Por Redacción |
-
Unha carreira de orientación deportiva pechará o programa solidario de Ponte Caldelas cos incendios
Por Redacción |
-
Preto de 200 persoas danse cita na cea solidaria de Cáritas a prol dos damnificados polos incendios
Por Redacción |
-
Unión de colectivos e institucións para canalizar a solidariedade tras os incendios en Ponte Caldelas
Por Redacción |
-
Tres días de loito oficial en Galicia: "No son 132 incendios, son 132 atentados"
Por Redacción | Creada e actualizada