Os viños de Rías Baixas, máis internacionais que nunca
Por Redacción
De 22 adegas a 103, case cinco veces máis, no últimos dez anos. Son as marcas adscritas á denominación de orixe Rías Baixas que exportan actualmente os seus viños a mercados internacionais.
Na actualidade, os viños de Rías Baixas están presentes en máis de 60 países e as vendas no estranxeiro supoñen o 28% da produción total da denominación.
Así o destacou a directora de Márketing de Rías Baixas, Eva Mínguez, durante a reunión que mantivo os responsables do consello regulador cunha vintena de adegueiros.
Rías Baixas vincula este incremento á "intensa" campaña de promoción que, de maneira "específica", realizouse nos últimos anos en Estados Unidos, Reino Unido, Alemaña, Bélxica, Holanda, Luxemburgo, México, Irlanda, Xapón e Polonia.
O obxectivo para 2018 será consolidar estes mercados exteriores e ampliar a súa presenza a novos países, segundo os responsables da denominación de orixe pontevedresa.
"Cada ano contamos con maior número de adegas con plans de exportación", sinalou Mínguez, o que para Rías Baixas é "moi importante" ao estar composta por 181 adegas nun sector "moi atomizado" e con estruturas pequenas, ás que lle supón un "esforzo" vender ao estranxeiro.
Rías Baixas, ao longo de 2017, estivo presente en feiras de referencia do sector vitivinícola en todo o mundo, recibiu a visita de 88 importadores, catadores e xornalistas estranxeiros e organizou 48 seminarios formativos sobre os viños da denominación de orixe.
Relacionadas:
-
Rías Baixas, máis internacionais que nunca e coa mirada posta en Donald Trump
Por Alejandro Espiño |
-
Unións Agrarias denuncia manobras para beneficiar ás grandes adegas prexudicando á maioría de viticultores
Por Oskar Viéitez |
-
Rías Baixas vendimou no Salnés 25 millóns de quilos de uva
Por Oskar Viéitez |
-
Os viños brancos de Rías Baixas aumentan a súa cota de mercado
Por Redacción |
-
Os viños Rías Baixas conquistan Cidade de México
Por Redacción |