A Xunta contrata a técnicos para reforzar o servizo de orientación laboral
Por Oskar Viéitez
A Consellería de Economía, Emprego e Industria reforza o Servizo Galego de Orientación Laboral a través da contratación de técnicos que axudarán ás persoas sen emprego a mellorar as súas oportunidades laborais, co obxectivo de que poidan insertarse no mercado de traballo o antes posible e nunhas condicións axeitadas ao seu perfil profesional.
Na comarca de Pontevedra serán oito os novos orientadores profesionais, catro destinados na oficina de emprego de Pontevedra e outros catro para a oficina que, tamén na cidade do Lérez, atende aos desempregados da comarca.
Na comarca do Salnés serán cinco os novos orientadores profesionais, dous deles na oficina de emprego de Cambados e outros tres na de Vilagarcía de Arousa. Na comarca de Caldas serán dous os novos orientadores.
A Xunta destina a este reto 550.000 euros na provincia de Pontevedra que permitirán contratar a un total de 45 novos técnicos que prestarán especial atención aos parados de longa duración en 18 oficinas de emprego.
Pontevedra contará, deste xeito, cunha rede de profesionais especializados en accións para incrementar a empregabilidade das persoas sen emprego, e, sobre todo, aos colectivos con especiais dificultades de inserción.