Faleceu José María de Cabo, propietario do Hotel Rías Bajas
Por Redacción
O empresario hostaleiro José María de Cabo Landín, propietario do Hotel Rías Bajas, faleceu este sábado aos 64 anos de idade debido ás complicacións derivadas do cancro de próstata que sufría.
José María de Cabo presidiu a Asociación de Hoteis de Pontevedra. O seu hotel, fundado polo seu pai, é o máis antigo da cidade de Pontevedra despois do Parador de Turismo Casa do Barón
A sala velatoria está instalada nas dependencias do Tanatorio Virxe do Camiño da rúa Loureiro Crespo e os seus restos mortais serán incinerados mañá domingo.
O funeral terá lugar o luns, ás cinco e media da tarde, na igrexa parroquial de San Bartolomé.