A asemblea da Policía Local pide a dimisión do concelleiro Vicente Legísima
Antonio Millares, José Manuel Duarte, José Moldes González e Maite Maquieira, representantes sindicais de CC.OO., CIG e UXT, solicitaron en nome da asemblea da Policía Local a dimisión do concelleiro de Persoal do Concello de Pontevedra, Vicente Legísima García.
A causa desta petición é que os representantes sindicais na Policía Local entenden que o concelleiro está a mentir acerca da negociación da nova Relación de Postos de Traballo (RPT) e se "senten insultados".
Este xoves, Millares, delegado de CC.OO., relataba todo o proceso relacionado con este tema sinalando que a finais de 2017 entregábaselles aos sindicatos o documento elaborado por unha empresa privada sobre a RPT, por un prezo de 40.000 euros. Este documento que para os representantes dos traballadores xa estaba "recauchutado" entenden que tampouco é do gusto do goberno local e, por este motivo, agora tenta negociar por colectivos, de forma sectorial, algo ao que meses atrás negábase.
"É a mesma técnica de Alfonso Rueda no tema da xustiza", apuntou Millares facendo alusión á actitude do vicepresidente da Xunta no conflito cos funcionarios da administración de xustiza en comparación coa de Vicente Legísima a quen acusou de incendiario por tentar enfrontar ao persoal da Policía Local co resto de funcionarios municipais.
Sinalan que a cifra de 2.400 euros de incremento salarial anual que Legísima indicou que demandan non é a real e que existen casos diferentes dentro da Xefatura de Policía municipal, polo que o correcto sería aterse ao que marca o documento encargado polo goberno de Fernández Lores. José Manuel Duarte, delegado de CIG, sinala que a oferta económica prevista polo Concello "non satisfai a ninguén". Neste sentido, Antonio Millares afirmou que existe un ambiente "malo" no persoal da Policía Local debido á retirada de descansos de maneira sistemática.
Ante esta situación, pedirán unha reunión directa co alcalde Miguel Anxo Fernández Lores para reclamar a dimisión de Vicente Legísima. Ademais anuncian que iniciarán unha campaña de protestas durante o mes de maio, que arrincará ás portas do Recinto Feiral antes da cea mulitudinaria que ten previsto levar a cabo o BNG o próximo 4 de maio.
Este venres celebrarase unha asemblea ás 13.30 horas na que os funcionarios do Concello debaterán sobre a Relación de Postos de Traballo e decidirán se adoptan algunha medida en contra da negociación que se está levando a cabo por parte do goberno local.
Relacionadas:
-
A CIG discrepa coa negociación "por chiringuitos" que o goberno de Lores promove co persoal no Concello
Por Anxo Lourido |
-
Axentes da Policía Local escollen o acto de lectura do pregón das Festas para exteriorizar o malestar co goberno local
Por Paula Sanmartín & Anxo Lourido |
-
Os sindicatos da Policía Local denuncian unha "terrible insolidariedade" na negociación laboral co Concello
Por Redacción |
-
UGT e CC.OO. reivindican neste primeiro de maio: "É tempo de gañar dereitos"
Por Natalia Puga & Mónica Patxot |
-
Catorce policías "enferman" ao mesmo tempo en medio do conflito laboral co Concello
Por Alejandro Espiño |
-
A negociación colectiva atáscase entre o Concello e os seus funcionarios
Por Alejandro Espiño |
-
O persoal do Concello de Pontevedra prepárase para a negociación da estrutura organizativa
Por Mónica Patxot & Anxo Lourido |