O IES Valle Inclán celebra o Día de Europa bailando ao son do himno 'amuñeirado'
![Sara](/web/cache/scene/uploads/xornalistas/foto/f8d/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/5aa6ae44bc-img_8269-iloveimg-converted-copia.jpg)
Por Sara López Lago
![](/web/cache/scene/uploads/fotos/foto/671/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5af2e83ddb-090518-alvarez-valle-inclan-11.jpg)
© Miguel Álvarez / Paula Sanmartín
![](/web/cache/scene/uploads/fotos/foto/9bb/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5af2e8466b-20180509-sanmartin-dia-de-europa-05.jpg)
© Miguel Álvarez / Paula Sanmartín
Os estudantes de Secundaria e Bacharelato do instituto Vale Inclán uníronse para celebrar o Día de Europa.
A celebración foi entre as 9:00 horas e as 12:00 horas. Entre as actividades programadas houbo unha charla de alumnos de 4º da ESO que falaron aos seus compañeiros de 1º e 2º sobre o Parlamento Europeo. Despois, de 11:00 a 11:30 horas tiveron lugar varias interpretacións musicais nas linguas estranxeiras impartidas no centro, de parte dos estudantes de 2º e 3º da ESO.
De 11:30 a 12:00 horas, ata 132 alumnos bailaron ao son do himno europeo con arranxos de muñeira, creando a bandeira Europea con paraugas. No baile tamén participaron 10 alumnos do Centro Príncipe Felipe e da Asociación de Voluntariado.
Esta iniciativa levouse a cabo como acto final do centro, que foi nomeado Escola Embaixadora Junior do Parlamento Europeo, polas actividades de ensino orientadas a sensibilizar en valores de cidadanía e democracia. Agora están á espera de que un xurado decida os centros gañadores, premiados cunha viaxe a Bruxelas a visitar o Parlamento Europeo.
Aos actos conmemorativos estivo convidado o alcalde Miguel Anxo Fernández Lores e o inspector de Educación.
Día de Europa no IES Valle Inclán
Actividades realizadas polo alumnado do IES Valle Inclán durante o Día de Europa o 9 de maio de 2018
© Miguel Álvarez / Paula Sanmartín
Día de Europa no IES Valle Inclán
Actividades realizadas polo alumnado do IES Valle Inclán durante o Día de Europa o 9 de maio de 2018
© Miguel Álvarez