A Garda Civil detectou en maio cinco condutores que deron positivo en catro drogas á vez
Por Redacción
O Subsector de Tráfico da Garda Civil de Pontevedra realizou durante o pasado mes de maio 22.272 probas de alcol e droga na rede viaria da provincia de Pontevedra e detectou resultados positivos de 375 condutores por estar baixo os efectos do alcol e outros 258 polos dalgunha droga,
Segundo os datos facilitados pola o Garda Civil, nos controis de alcoholemia detectáronse 375 condutores que deron resultado positivo. A maior parte deles, 333, foron detectados en controis preventivos. Outros 23 foron detectados tras sufrir un accidente de circulación, 18 con ocasión de infraccións á lei de seguridade viaria e un porque tiña síntomas evidentes de estar ebrio e practicóuselle a proba
No caso dos 258 condutores que deron resultado positivo en drogas, 226 detectáronse nos controis preventivos, 20 con ocasión de infraccións e 10 con motivo de sufrir un accidente de circulación. Sobresaen os casos de cinco condutores que deron positivo en catro drogas distintas.
Por idades, a porcentaxe máis alta de probas positivas de alcoholemias correspóndese co grupo de condutores comprendido entre os 45 e os 54 anos. Por sexo, o 91% dos condutores denunciados neste período de tempo son homes.