Os veciños de Monte Porreiro estrean as súas hortas urbanas
Por Redacción
Ata vinte e dúas bancadas para cultivar produtos da terra. Son os espazos que o Concello de Pontevedra habilitou na horta urbana de Monte Porreiro que, nas últimas horas, púxose a disposición dos seus usuarios.
O concelleiro de Parques, Alberto Oubiña, entregou a todos eles as chaves da cancela da parcela e do armario no que se gardan os aparellos de traballo. Nese mesmo acto quedaron desertas dúas hortas, polo que o Concello tirará da lista da agarda para readxudicalos.
As hortas, situadas no parque do Miradoiro de Monte Porreiro, foron recuperadas pola empresa de inserción laboral Feito, vinculada á entidade social Rexurdir.
Dende a adxudicación, será a empresa Feito a que se encargue do mantemento da parcela na que se atopan as hortas urbanas.
A concesión será por dous anos prorrogables a outros dous.
Tamén no barrio de Monte Porreiro, o Concello creará unha horta urbana anexa ao local social de Monte Porreiro para que poidan usala os nenos que participan na ludoteca Carabuñas.
Relacionadas:
-
Abre o prazo para solicitar unha horta urbana en Monte Porreiro e na Parda
Por Redacción |
-
A Xunta rehabilitará antes do outono un edificio de Monte Porreiro onde hai 11 anos se tentou realoxar unha familia do Vao
Por Mónica Patxot & Anxo Lourido |
-
Adxudicados provisionalmente 59 hortos en Monte Porreiro e Finca do Conde
Por Redacción |
-
O Concello reformula os usos das hortas urbanas e saca a concurso as 57 parcelas municipais
Por Redacción |