![](/web/cache/scene/uploads/fotos/foto/7a2/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/5c2f90fa85-20190104-patxot-cruces-lourizan-costas-1579.jpg)
© Mónica Patxot
Veciños de Lourizán piden a Costas autorización para volver colocar as cruces do 'campo da dignidade'
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/a2f/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5c2f91220d-20190104-patxot-cruces-lourizan-costas-1540.jpg)
© Mónica Patxot
![](/web/cache/scene/uploads/fotos/foto/d31/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5c2f9143b6-20190104-patxot-cruces-lourizan-costas-1624.jpg)
© Mónica Patxot
![](/web/cache/scene/uploads/fotos/foto/18c/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5c2f916689-20190104-patxot-cruces-lourizan-costas-1593.jpg)
© Mónica Patxot
Un grupo de veciños de Lourizán acudiu este venres ata o rexistro do Servizo Provincial de Costas de Pontevedra para facer entrega de varios escritos e tres cruces que pretenden que resuman o seu sentir sobre os recentes acontecementos vividos na parroquia despois de que Costas lles ordenase a retirada das cruces que instalaran a modo de protesta no que eles bautizaron como 'campo da dignidade'.
A protesta formaba parte das accións dos veciños de Lourizán que integran a plataforma contra a ampliación de la depuradora de Os Praceres que proxecta a Xunta e, tras o requerimento de Costas, os veciños retiraron as cruces. Lonxe de quedar calados diante desta petición da Administración, este venres acudiron ás súas oficinas para amosar o seu parecer.
Así, os tres escritos entregados van dirixidos ao xefe provincial de Costas, á subdelegada do Goberno en Pontevedra e á ministra para a Transición Ecolóxica do Goberno estatal e as cruces a todos eles para demostrar que atenderon á petición de retirada, pero queren volver colocalas.
Así, ao Servizo de Costas comunicáronlle de xeito oficial que as cruces foron retiradas, tal como indicaba o requerimento enviado por dito Servizo, e entregáronlle un escrito no que se solicitan autorización para volver instalas.
Á subdelegada do Goberno, Maica Larriba, dirixen un escrito manifestando o desacordo dos veciños co requerimento de Costas e ao Ministerio para a Transición Ecolóxica fixéronlle chegar dous escritos, un para manifestar o seu desacordo co requerimento e pedir que a partir de agora se use o mesmo raseiro para todos os problemas e irregularidades ao longo da costa da provincia, moitos deles sen saír do Concello de Pontevedra.
No outro escrito, a plataforma veciñal achega ao ministerio as alegacións presentadas ao anteproxecto do novo emisario submarino, porque consideran que nelas aparecen motivos dabondo como para que Costas lle denegue a concesión dos terreos á Xunta de Galicia. Solicítanllo á ministra, Teresa Ribera.
Relacionadas:
-
A I Marcha da Dignidade de Lourizán esixe á Xunta que paralice a ampliación da depuradora
Por Redacción & Diego Torrado |
-
Lourizán convoca a toda a veciñanza a unha "marcha pola dignidade" contra a ampliación da depuradora
Por Redacción |
-
O movemento veciñal de Lourizán quere que os grupos políticos insten á Xunta a facer un estudo de saneamento da ría
Por Redacción |
-
Performance veciñal en Praceres para criticar a actitude da Xunta ante as alegacións ao novo emisario na ría
Por Diego Torrado & Redacción |
-
Concello e veciños proxectan o futuro "Parque da Dignidade" de Lourizán
Por Redacción |
-
Lourizán celebra un "magosto da dignidade" contra a ampliación da depuradora
Por Redacción |
-
Respaldo unánime a converter o antigo campo de fútbol de Praceres en zona deportiva e de lecer
Por Alejandro Espiño & Mónica Patxot |
-
Os Praceres, convertido nun "camposanto da dignidade" contra a ampliación da depuradora
Por Redacción & Diego Torrado |