![](/web/cache/scene/uploads/fotos/foto/226/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0knKLynJz1WyrgUA_/5cc874581d-20131112-patxot-ence-313.jpg)
© Mónica Patxot
ENCE seguirá realizando o seu "maior esforzo" por defender a fábrica de Pontevedra
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Un cumio entre empresa e traballadores, celebrada durante os dous últimos días en Lourizán, serviu para que o consello de administración de Ence trasladase ao seu persoal que seguirá realizando o seu "maior esforzo" para defender a continuidade da súa fábrica en Pontevedra.
A través dun comunicado, Ence sinalou que o principal órgano de goberno da empresa transmitiu o seu apoio aos traballadores ante o momento "delicado" e de "incerteza" que atravesa a compañía ante os recursos presentados na Audiencia Nacional contra a prórroga recibida polo Goberno de Mariano Rajoy.
O presidente da compañía pasteira, Ignacio Colmenares, agradeceu aos seus empregados que todo o equipo da fábrica estea a "empregarse a fondo" para lograr "bos resultados" en materia de sustentabilidade e excelencia ambiental.
Este "esforzo", sinalou Colmenares, súmase ao "folgado" cumprimento da normativa europea, estatal e autonómica e ao "exhaustivo e continuado" control das emisións e do efluente que asegura a calidade das augas da ría de Pontevedra.
A este respecto, o presidente de Ence asegurou que á espera da resolución dos tribunais ás causas abertas contra a concesión da fábrica de Pontevedra "non hai mellor modo" de defender a "importancia" da súa actividade que cumprindo "rigorosamente" coa normativa e levando a cabo un traballo "excelente" na factoría.
Relacionadas:
-
A Autoridade Portuaria advirte do "prexuízo" que tería o cese de actividade de ENCE
Por Redacción |
-
ENCE exhibe músculo en Pontevedra cunha reivindicativa macrofesta na praza de touros
Por Alejandro Espiño |
-
A APDR denuncia a ENCE nos xulgados por obstaculizar a marcha contra a fábrica
Por Alejandro Espiño & Natalia Puga |
-
Máis de 2.000 persoas marchan contra Ence coa esperanza de que o peche sexa inmediato
Por Diego Torrado & Anxo Lourido | Creada e actualizada
-
Ana Cedeira, presidenta de comité en Ence: "Utilizaremos todas nuestras armas para defender los puestos de trabajo"
Por Mónica Patxot & Anxo Lourido |