Os veciños de Lourizán anuncian novas mobilizacións contra o proxecto de ampliación da depuradora
Por Redacción
A asemblea veciñal celebrada este sábado nos Praceres aprobou por unanimidade rexeitar a nova proposta da Xunta, que supoñería "triplicar a EDAR actual", asegura a Plataforma Veciñal de Lourizán.
Ante esta situación os veciños acordaron retomar as protestas, sen especificar aínda en que consistirán.
"A conselleira Ethel Vázquez vende o proxecto como unha decisión técnica, para xustificar a súa decisión. O certo é que hai un ano a Xunta presentaba 3 alternativas que consistían en ampliar a depuradora e esta última proposta é máis do mesmo. En lugar de solucionar os graves problemas do modelo actual insístese na ampliación", sinala o colectivo.
Na asemblea reivindicaron a necesidade de centrar esforzos en solucionar os problemas existentes con pluviais e a auga de mar. "Se despois de solucionalo aínda non fora suficiente, habería que exporse facer depuradoras para o Porto de Marín e para o polígono industrial da Reigosa", defenderon nun comunicado, porque "o que quere facer a Xunta é matar moscas a canonazos", critican os veciños.
Por último mostraron a súa "perplexidade" pola proposta da Xunta de construír un campo de fútbol na zona porque "non é da súa competencia e non o permite a lei de costas".
Relacionadas:
-
Lourizán fai unha "chamada de auxilio" á sociedade pontevedresa contra a ampliación da EDAR
Por Redacción & Cristina Saiz |
-
Performance veciñal para simbolizar a morte de Lourizán ante a ampliación da depuradora
Por Redacción |
-
Acciona acometerá a mellora do sistema de depuración dos Praceres
Por Redacción |
-
Avanza sen consenso a ampliación da depuradora de Praceres
Por Anxo Lourido |
-
Rexeitamento frontal de Pontevedra a unha posible ampliación da EDAR: "Non hai xustificación técnica"
Por Alejandro Espiño |
-
Bará: "Praceres non pode ser o funil polo que pase a merda de catro concellos"
Por Alejandro Espiño |