O PP critica a supresión da rotonda xunto á gasolineira do Burgo
Por Redacción
As obras de remodelación da ponte do Burgo provocaron no seu momento que se eliminase para a circulación rodada a rotonda que se atopaba xunto á gasolineira, unha decisión que agora criticou o Partido Popular de Pontevedra.
O seu portavoz local, Rafa Domínguez, acompañado dos concelleiros da súa formación Pablo Fernández e Martín Martínez e de varios veciños do barrio, visitou na tarde do mércores a zona para comprobar o que cualifica de problemas de tráfico e tránsito.
A supresión da rotonda fai que os condutores que por alí circulan teñan que ir ata a Avenida de Compostela por unha banda ou a ponte das Correntes polo outro para virar e "isto provoca que se dificulte a circulación e crense caravanas innecesarias", sostén Domínguez.
A esta situación, engade o PP, súmase o mal estado do viario e tamén dos aparcamentos disuasorios que alí se atopan e que son usados cada día por un gran número de condutores.
Relacionadas:
-
Califican de "chapuza" e "aberración" o acceso ao Lérez desde a ponte do Burgo
Por Redacción |
-
Máis cambios no Burgo: reforma da Santiña e nova dirección para a Avenida da Coruña
Por Alejandro Espiño |
-
A nova varanda da ponte do Burgo colocarase a partir do 9 de outubro
Por Oskar Viéitez & Cristina Saiz |
-
O Concello rexeita a continuidade da gasolineira do Burgo
Por Alejandro Espiño |
-
Os peóns estrean a nova ponte do Burgo
Por Almu Dapena |