Preto de 500 voluntarios participan na comarca na gran recollida do Banco de Alimentos
Por Redacción
Onda de solidariedade nos supermercados da comarca coa tradicional Gran Recollida do Banco de Alimentos.
Preto de 500 voluntarios só na comarca mobilizáronse durante este venres 22 e sábado 23 de novembro.
Entre eles, este sábado achegouse ao supermercado Froiz da Avenida de Vigo a madriña desta edición do evento solidario, a xornalista María Rey, quen cualificou a iniciativa de "extraordinaria porque en un fin de semana se recogen muchos alimentos para poder cubrir las necesidades de las personas varios meses".
A popular profesional da comunicación animou ademais "a todos a que donen alimentos" porque "con un pequeño esfuerzo que se haga vamos a ayudar mucho".
O obxectivo da gran recollida deste ano en superficies comerciais de Pontevedra, Vigo, O Morrazo, Val Miñor, Baixo Miño, O Salnés e Deza estaba en superar os 125.000 quilos de alimentos recadados na campaña anterior.
Finalmente superáronse segundo a fundación os 300.000 quilos recadados en toda a provincia, dos que máis de 100.000 corresponderon á comarca de Pontevedra.
Relacionadas:
-
O Banco de Alimentos repartiu 200.000 quilos de comida en Pontevedra durante 2019
Por Redacción |
-
O Banco de Alimentos pecha a súa Gran Recollida con 315.000 quilos de comida recollida na provincia
Por Redacción |
-
A xornalista María Rey amadriña a gran recollida do 2019 do Banco de Alimentos
Por Redacción |