Carmela Silva alenta ao alumnado de Caldas a ter "unha posición activa" na loita pola igualdade
Por Redacción
A presidenta da Deputación de Pontevedra, Carmela Silva, alentou este martes ao alumnado de Caldas que asistiu á representación da obra teatral "Invisibles", de Redrum Teatro, a "ter unha posición activa" na defensa da igualdade e contra as violencias e a discriminación que padecen as mulleres.
"Esta obra faravos reflexionar e daravos contidos para defender a igualdade", advertiulles ao comezo da representación no Auditorio Municipal de Caldas, enmarcada na programación cultural da Deputación.
Ante máis dun cento de estudantes dos centros IES Aquis Celenis, o CPI Alfonso VII e o CPR San Fermín, Carmela Silva amosou a súa esperanza de que "o século XXI será o século en que academos a igualdade".
Ademáis a presidenta da Deputación fixo un recoñecemento ás mulleres que están detrás da montaxe de "Invisibles", tanto a autora do libro no que se basea a obra, Montse Fajardo, como a directora teatral Marián Bañobre e as actrices que a protagonizan coa compañía Redrum Teatro (Mela Casal, Sheyla Fariña e Nieves Rodríguez), das que destacou o seu "compromiso coa cultura e os valores fundamentais e dereitos humanos dos que estamos a falar".
Relacionadas:
-
Ponte Caldelas tomará conciencia contra a violencia machista co libro e a obra teatral 'Invisibles'
Por Redacción |
-
O drama de Marga: o seu ex asasinou o seu fillo, un garda civil "non me fixo caso" e un xuíz cuestiona a súa reacción
Por Natalia Puga & Mónica Patxot & Alejandro Espiño |
-
'Rúas con memoria', un roteiro teatralizado para reflectir a represión que sufriron as mulleres de Pontevedra
Por Mónica Patxot & Anxo Lourido |
-
RADIO.- Conversas na Ferrería: 'Invisibles' vista por estudantes de ESO
Por Marisa Ciordia |