Bueu homenaxea a Agustín Gutiérrez, todo un símbolo do seu Entroido
Por Redacción
Agustín Gutiérrez, unha das persoas de Bueu máis recoñecidas debido aos seus orixinais deseños do Entroido, foi homenaxeado este sábado na súa vila natal.
No acto, celebrado no salón de plenos da casa consistorial, o alcalde da vila, Félix Juncal, lembrou a labor intensa do homenaxeado e salientou "a felicidade que nos contaxiou Agustín", en alusión aos disfraces que elaboraba con motivo do Entroido e noutras festas do ano.
O homenaxeado mostrouse emocionado e agradecido por esta homenaxe acordada no comité do Entroido e dedicou unhas verbas á súa muller porque "sen ela non podería facer moitos dos disfraces", apuntou.
Ademais, lembrou os seus comezos con 14 anos nos bailes da mítica Sala Paraíso, e "dende aquela xa non parei ata hoxe", segundo afirmou no acto.
Previo ao acto institucional, as comparsas da vila interpretaron unhas pezas na Praza Massó e, xa no salón de plenos, as persoas asistentes puideron ver un vídeo dalgúns dos deseños máis recoñecidos de Agustín. Como lembranza desta homenaxe, o alcalde fíxolle entrega dunha réplica de Rosalía de Castro de Sargadelos.
Moitas persoas, entre familiares e amizades, quixeron acompañar a Agustín Gutiérrez nesta sentida homenaxe que lle rendeu a súa vila.
Relacionadas:
-
Bueu suspende o Entroido e organizará unha exposición virtual para "manter o seu espírito"
Por Redacción |
-
Bueu despídese do entroido enterrando o Paxaro de Mal Agoiro
Por Redacción |
-
O desfile do Enterro do Paxaro de Mal Agoiro aprázase ao domingo 8 de marzo
Por Redacción |
-
Entroido de Bueu: unha festa para que gocen mozos e adultos
Por Boris Rodríguez Pintos |
-
Os disfraces impactantes de Agustín Gutiérrez, referencia para o Entroido 2020 de Bueu
Por Redacción |