O Sergas reprograma consultas, probas diagnósticas e cirurxías nos hospitais
Por Natalia Puga
A Xunta de Galicia adoptou novas medidas encamiñadas a mellorar a atención sanitaria durante a situación de emerxencia polo avance do coronavirus e, entre outras cuestións, o Servizo Galego de Saúde decidiu reprogramar a atención sanitaria común nos hospitais.
O obxectivo é deixar espazos, camas e tecnoloxía a disposición de posibles contaxios como consecuencia do virus, segundo explicou o presidente da Xunta, Alberto Núñez Feijóo.
O presidente indicou este domingo que o Sergas reprogramou consultas, probas diagnósticas e cirurxía programada. Fixérono en función das propostas de cada xerente de área.
Feijóo anunciou estas medidas na rolda de prensa posterior á videoconferencia co presidente do Goberno central, Pedro Sánchez, e co resto dos presidentes autonómicos.
Nese encontro, pediu ao presidente Sánchez que o Goberno central garanta as subministracións de equipamento, aparataxe e produtos de protección para todo o persoal sanitario e subliñou que é imprescindible que o Goberno central actúe como unha única central de compras e con toda a capacidade que ten ao sumarse todos os servizos de saúde.
No tocante ás fórmulas para incrementar o persoal, o presidente da Xunta informou da necesidade de que se recoñeza a especialidade dos médicos residentes e dos farmacéuticos residentes, que están a finalizar o último ano de formación.
Feijóo tamén trasladou a Pedro Sánchez que a unidade, a lealdade e a coordinación de Galicia co Goberno de España está garantida, pois "non é o momento de ver o que se podería facer, senón de ver que podemos facer todos xuntos".
O presidente da Xunta confirmou que calquera cidadán que se atope en Galicia e teña o seu domicilio habitual fóra da comunidade autónoma pode volver ao seu lugar de orixe ou quedar e expuxo a Sánchez a necesaria coordinación fronteiriza con Portugal, co obxectivo de que España e o país veciño apliquen as mesmas medidas e os mesmos requirimentos.
Relacionadas:
-
Aviso para as familias: a emerxencia do coronavirus afecta ao calendario de vacinación
Por Natalia Puga |
-
As probas rápidas para detectar o coronavirus desde o coche faranse tamén en Pontevedra
Por Alejandro Espiño |
-
Buscan hoteis que sexan "aptos" para a atención a pacientes con coronavirus
Por Alejandro Espiño |
-
O Colexio de Médicos insta á poboación para "seguir a machada" as medidas das autoridades sanitarias
Por Redacción |
-
Correos adapta o seu horario ás restricións do estado de alarma e abre tres horas ao día
Por Redacción | Creada e actualizada
-
Novas medidas de contención da Xunta, que regula a actividade de talleres de reparación
Por Natalia Puga |
-
Hospitais e clínicas privadas pasan á sanidade pública pola crise do coronavirus
Por Alejandro Espiño |
-
Os positivos por coronavirus na área sanitaria ascenden a 18, cinco hospitalizados
Por Natalia Puga |
-
Primeiro falecemento por coronavirus en Pontevedra: un home de 81 anos con múltiples patoloxías
Por Natalia Puga |
-
#NaCasa fronte o coronavirus: "Queda na casa, protéxete, axúdanos", pide o personal sanitario
Por Alejandro Espiño |
-
Grans de area que pode aportar cada cidadán para frear o coronavirus
Por Redacción |