O profesorado de Tenorio versiona a Estopa e Rozalén para animar á comunidade escolar
Por Redacción
Profesoras e profesores do CEIP de Tenorio gravaron un videoclip musical para mandar unha mensaxe de ánimo aos seus alumnos e a todas as familias de Cerdedo-Cotobade nesta corentena derivada do estado de alarma decretado pola crise sanitaria do coronavirus.
Os mestres, que desde hai xa tres semanas non teñen os rapaces nas clases, elaboraron un traballo audiovisual versionando o tema Volar de Rozalén, xunto ao grupo catalán Estopa.
O obxectivo da idea é tentar que os rapaces pensen en positivo e sigan coas súas actividades formativas nestas semanas de confinamento e tamén para amosarlles o seu cariño.
Este vídeo, no que os docentes participaron de xeito masivo e desenfadado para aportar unha dose de alegría nesta difícil situación, pode contemplarse nas redes sociais.
Dende o Concello de Cerdedo-Cotobade amosan a súa satisfacción por todos os vídeos, traballos, publicacións e demais mensaxes que está a remitir e a elaborar a veciñanza e destacan a creatividade, enxeño, positivismo e solidariedade da cidadanía.
Relacionadas:
-
Dúas agrupacións de Tenorio promoven novos vídeos de ánimo para os veciños
Por Redacción |
-
VIDEO.- O IES Chan do Monte baila ao ritmo de 'Safe and Sound' contra o coronavirus
Por Redacción |
-
VÍDEO.- Guille Pérez, o pianista na terraza que anima o vecindario de Eduardo Pondal
Por Redacción |
-
Cerdedo-Cotobade activa, en colaboración coa comunidade educativa, un servizo de axuda escolar
Por Redacción |
-
VIDEO.- Os mestres das Doroteas téñeno claro: "Queda na casa. Todo vai a saír ben"
Por Alejandro Espiño |
-
VIDEO.- Así soa "Non saias", a canción coa que Os Trazantes de Tenorio animan a respectar a corentena
Por Redacción |