Tres novas fontes desinfectantes no exterior dos ultramarinos do rural
Por Redacción
O Concello de Ponte Caldelas instalou tres novas fontes desinfectantes no exterior das tendas de ultramarinos do rural do municipio. O obxectivo é que, ao igual que acontece no casco urbán, todas as persoas que acuden a realizar as súas compras de alimentación e produtos básicos no rural teñan á súa disposición unha fonte desinfectante para hixienizar as súas mans.
Así, instalouse unha fonte dispensadora de xel hidroalcólico no ultramarinos de Buchabade, outra no de Taboadelo e unha terceira no de Xustáns. Estas pequenas tendas de alimentación son o lugar de compra de moitos veciños do rural, por proximidade e comodidade.
En total, o Concello de Ponte Caldelas instalou xa 17 fontes desinfectantes: trece no casco urbán (no Centro de Saúde, rúa da Igrexa, rúa Prolongación Paseo Cordo Boullosa, Rúa da Ponte, Avenida de Pontevedra, González Besada, diante do Froiz, diante do Día, diante da Praza de Abastos, fronte ao Pipeiro, na Praza de España, na entrada da Casa do Concello, no Paseo da Calzada, tres no rural (Buchabade, Xustáns e Taboadelo) e unha no Polígono de A Reigosa.
Relacionadas:
-
Adxudican por 14.648 euros a mellora do Paseo Manuel Cordo Boullosa de Ponte Caldelas
Por Redacción |
-
Ponte Caldelas instala dispensadores de xel hidroalcólico nos tres caixeiros automáticos do centro urbano
Por Redacción |
-
Obras de mellora da PO-225 ao seu paso polo centro de Ponte Caldelas
Por Redacción |
-
Ponte Caldelas instala alfombras desinfectantes na entrada ao consistorio
Por Redacción |
-
Segundo arco desinfectante para vehículos en Ponte Caldelas, malia o aviso da Xunta de que carecen de autorización
Por Redacción |
-
Completan a instalación en Ponte Caldelas das 'fontes desinfectantes' de xel hidroalcólico
Por Redacción |