Os sindicatos sanitarios continuarán coas mobilizacións ata que se abra unha mesa de negociación coa Xerencia
Por Oskar Viéitez
Os sindicatos CESM Galicia, CO. BAS e PROSAGAP recibiron o apoio e as adhesións da Comisión de Centro de Atención Hospitalaria e da Xunta de Persoal da área sanitaria de Pontevedra á manifestación convocada para o vindeiro venres 26 de xuño porque consideran que "a unidade e a loita" é a única saída para defender a sanidade pública.
A decisión foi tomada este luns pola maioría dos integrantes da citada Comisión, que se adhire a esta mobilización en defensa do sistema público de saúde. Tamén recibiron o apoio do sindicato CXT.
Os sindicatos convocantes anunciaron que mentres non se abra unha mesa de negociación coa Xerencia continuarán coas mobilizacións.
Convén lembrar que CESM Galicia, CO.BAS e PROSAGAP iniciaron as mobilizacións o pasado mes de abril, cando se atopaban en plena loita contra a pandemia, con senllas concentracións diante das portas dos Hospitais Provincial e Montecelo en demanda de máis recursos humanos e materiais.
As concentracións sucedéronse ao longo destes dous meses, e o pasado 29 de maio tivo lugar a primeira das manifestacións ás que acudiron centenares de traballadores dos Centros de Saúde, PACs e Hospitais da área de Pontevedra.
Os sindicatos advirten que, diante da falta de resposta por parte da Xerencia, "seguiremos coas protestas polo que consideramos unhas demandas xustas", conclúen.
Relacionadas:
-
Convocan para este sábado unha concentración na Peregrina en defensa da sanidade pública
Por Manu Otero |
-
Ponte humana reivindicativa para alertar sobre as necesidades da área sanitaria de Pontevedra
Por Redacción |
-
Cadea humana entre o Provincial e o Concello para trasladar aos grupos políticos as necesidades sanitarias
Por Redacción |
-
Centos de persoas demandan a destitución da xerencia dos hospitais de Pontevedra se non abre vías de diálogo
Por Mónica Patxot & Anxo Lourido |
-
Os sindicatos chaman a unha concentración pola reconstrucción do país
Por Redacción |
-
Sindicatos sanitarios acusan o Sergas de manipular as cifras de afectados pola Covid para saír do estado de alarma
Por Mónica Patxot & Anxo Lourido |
-
Convocan unha concentración para esixir que se recupere a actividade sanitaria ordinaria
Por Oskar Viéitez & Mónica Patxot |
-
Sindicatos acusan os responsables sanitarios de "tentar boicotear" as súas protestas e liberdade de expresión
Por Redacción |
-
Nova concentración nos hospitais de Pontevedra ao berro de "xerente dimisión" ante o temor da privatización de Mantemento
Por Mónica Patxot & Anxo Lourido |
-
Numerosa manifestación de profesionais do sector sanitario pedindo a dimisión da xerencia dos hospitais de Pontevedra
Por Mónica Patxot & Redacción |