A campaña Nova Terra xa engalana o comercio local de Pontevedra
Por Redacción
O proxecto Nova Terra, impulsado pola Concellería de Promoción Económica e Turismo a través da plataforma #PonteLovers e coa colaboración da Deputación Provincial, comezaba a súa andaina en 24 comercios de Pontevedra.
Estes establecementos atópanse situados na contorna das rúas Peregrina, Daniel de la Sota, García Camba, Castelao, Sagasta e a Glorieta de Compostela.
A concelleira de Promoción Económica e Turismo, Yoya Blanco, e a experta en visual merchandising Cany Juncal visitaban esta mañá diversos establecementos comerciais adheridos á campaña para comprobar o espectacular aspecto que locen os seus escaparates.
A campaña Nova Terra prolongarase durante dez días, polo que se agarda que se amplíe o número de negocios comerciais adheridos a este proxecto dinamizador das compras nas tendas de proximidade de Pontevedra. A edil socialista xa avanzaba que comercios doutras zonas da cidade terán a oportunidade de participar en experiencias similares no futuro, con especial incidencia nos barrios e no rural.
Ademais dos escaparates, instaláronse na rúa pérgolas con decoración a base de plantas e elementos naturais para dar continuidade á estética dos diferentes establecementos. A edil socialista manifestaba que esta ambientación serve para animar "unha vez máis á xente que, cumprindo as medidas de seguridade, consuman no comercio local, veñan, vexan e consuman". Neste sentido, destacaba a grande "implicación dos comercios na decoración e no escaparatismo".
Relacionadas:
-
Bicos para subir a autoestima e apoiar o comercio local
Por Diana Eiras & María José Pita |
-
Entregan os premios de escaparatismo do proxecto Nova Terra
Por Redacción |
-
Decembro, mes de campañas de apoio ao turismo, comercio e produto local na Deputación
Por Redacción |
-
O entronque das rúas Peregrina e Daniel de la Sota será ambientado para captar clientes
Por Oskar Viéitez & Mónica Patxot |
-
Anticiparse aos gustos da clientela, obxectivo do ciclo formativo de Promoción Económica destinado ao comercio local
Por Redacción |
-
O comercio local de Pontevedra, a un só clic de distancia dos fogares
Por Alejandro Espiño & Mónica Patxot |