Ponte Caldelas rebasa os 1.000 de incidencia acumulada, nivel de risco do que sae Moraña
Por Redacción
A pandemia segue azoutando con forza nos concellos da área sanitaria de Pontevedra e O Salnés, que seguen na súa ampla maioría en alerta vermella pola alta incidencia da covid-19. Especialmente preocupante é a situación de Ponte Caldelas.
Tras días dun incremento incesante dos contaxios, Ponte Caldelas superou a barreira extrema que supón ter unha incidencia acumulada a 14 días de máis de 1.000 casos por cada 100.000 habitantes. Deste nivel sae Moraña. Hai, nestes momentos, polo menos outros tres municipios da área sanitaria nel: Soutomaior, Poio e Sanxenxo.
Pontevedra rexistra este venres un positivo máis que na última xornada e acumula 616 casos activos, cunha incidencia acumulada a 14 días de 678 afectados por cada 100.000 habitantes. Nun nivel de incidencia similar atópanse os concellos de Marín, con 142 casos activos; Vilagarcía ou Caldas.
Poio rexistra ao 5 de febreiro un descenso de sete casos, pero aínda mantén 368 casos activos e unha incidencia acumulada de 1.663 casos. Sanxenxo, pola súa banda rexistra nas dúas últimas semanas 208 casos e a súa incidencia acumulada está en 1.194 casos.
Nun chanzo inferior pero igualmente alarmantes son os rexistros da Lama, Vilaboa, Meis ou Moraña, que rozan os 1.000 casos de incidencia acumulada. Con todo, neste último municipio logrou reducir este venres a taxa por baixo desta barreira.
Vilanova, Cambados, O Grove, Bueu e Cerdedo-Cotobade son os municipios da área sanitaria que presentan unha incidencia acumulada máis baixa.
A incidencia acumulada a 14 días de cada municipio, a partir dos datos proporcionados polo Servizo Galego de Saúde, pódese consultar no mapa que acompaña a esta información.
Relacionadas:
-
Moraña volve exceder o limiar dos 1.000 de incidencia acumulada uníndose a Poio, Sanxenxo e Soutomaior
Por Redacción |
-
Solicitude dun cribado masivo en Vilaboa ante o incremento de contaxios
Por Redacción |
-
Sanxenxo ingresa na 'lista negra' de concellos cunha incidencia de máis de 1.000
Por Alejandro Espiño |
-
Pontevedra roza os 500 casos activos entre o aumento xeralizado dos contaxios na área sanitaria
Por Alejandro Espiño |