O PP esixe un convenio entre Concello e Deputación para axudar aos sectores máis golpeados pola pandemia
Por Redacción
Rafa Domínguez, presidente do Partido Popular de Pontevedra, urxe ao Concello a necesidade dun convenio de colaboración coa Deputación ao quedar a Boa Vila fóra das axudas provinciais á hostalería, pemes e comercio local, entre outras.
O portavoz popular declara que estes sectores "son os máis afectados pola pandemia e as consecuencias non poden pasar desapercibidas para a Deputación". Así, asegura que "é un agravio para a nosa cidade quedar fóra desta convocatoria" e ademais cre que "ambas as institucións deben emendar esta inxusta situación cun convenio de colaboración".
Tamén insiste en que é de vital importancia a colaboración entre Deputación e o Concello e que as axudas provinciais "chegan moi tarde". Ademais, "cremos que debe ser unha aposta decidida e compartida entre ambos, adecuada á capacidade económica de cada un dos organismos", engade Domínguez, que critica que "o único que fai falta é vontade política para poñer solución a este agravio cara a Pontevedra".
O representante do Partido Popular afirma que as axudas da Deputación de Pontevedra deixan fóra á "cidade de Pontevedra" e cualifícao de "incongruente e ilóxico" ademais de "un desprezo a todos os nosos veciños". Por iso, Domínguez pide unha solución "inmediata" a esta situación e "póñase fin a este desprezo cara á nosa cidade".
Relacionadas:
-
A Federación Provincial de Hostaleiros denuncia á Xunta polo peche do sector
Por Manu Otero |
-
Aproban por unanimidade aumentar en 1,6 millóns de euros as axudas para os sectores afectados pola pandemia
Por Oskar Viéitez & Mónica Patxot |
-
Pontevedra perderá o 50% da súa hostalería antes do verán se non chega o rescate ou a reapertura
Por Manu Otero |
-
Non haberá "portelo único" para as ayudas do plan de rescate á hostalería
Por Redacción |
-
Os populares censuran que a Deputación antepoña os seus "intereses partidistas" nas axudas aos hostaleiros
Por Redacción |