Entrega de máis de 500 sinaturas en contra da subestación de Bértola
Por Anxo Lourido
Os veciños de Bértola entregaron esta mañá na Xunta de Galicia máis de 500 firmas. Encabezados polo voceiro Emilio Juncal e pola deputada provincial e voceiro do grupo municipal do BNG en Vilaboa, Ornela Fernández, os veciños intentan con esta entrega mostrar a oposición maioritaria á instalación da subestación eléctrica que promove Rede Eléctrica Española coa autorización da Xunta.
Emilio Juncal explica a gravidade da situación: "Afectaría na saúde, nas edificacións, solares nos... en todo. O pueblo quedaría sen futuro de medrar por ningún lado". Nas últimas horas acudiron ao Parlamento para escoitar o Conselleiro de Medio, Territorio e Infraestruturas e Juncal mostra a súa decepción: "Non se mollou nada nin a favor nin en contra. Dixo o que esperabamos: que iso estaba aprobado pola Xunta, que cumpría. Pero non fala nada das liñas, van pasar polas nosas vivendas. Van saír para Sanxenxo, Barro, Cangas... saen liñas subterráneas para o AVE ".
Ante esta situación, os veciños non entenden por que dende a Administración e Rede Eléctrica Española non se deciden a aceptar o terreo ofrecido pola Comunidade de Montes nunha zona máis elevada á que, actualmente, contemplan para a construción. Ornela Fernández indica que mesmo se invitou a "montar algo temporalmente abaixo mentres non se construise a subestación eléctrica nos terreos ofrecidos". A voceira nacionalista afirmou que van seguir coa vía xudicial neste conflito: "O contencioso está presentado ao Conselo dá Xunta estamos non proceso de presentar documentación precisa".
A partir de agora os veciños recollerán sinaturas para presentalas ante o Valedor do Pobo e manteranse alerta para evitar que as obras da subestación se retomen. "O pobo de Bértola é así e xa o demostramos noutras ocasións", afirma Emilio Juncal.
Relacionadas:
-
Os afectados pola Subestación de Vilaboa entregan 709 escritos dirixidos ao Valedor do Pobo
Por Oskar Viéitez |
-
Goberno e oposición debaten no Parlamento galego sobre a seguridade da subestación de Bértola
Por Oskar Viéitez |
-
O informe técnico solicitado polo Concello de Vilaboa dá a razón aos veciños de Bértola
Por Redacción |