O PSOE agarda que a mesa de traballo sobre o futuro de ENCE sirva para "chegar a acordos"
Por Redacción
A mesa de traballo sobre o futuro de Ence organiza este mércores a súa primeira reunión, sobre a que o tenente de alcalde de Pontevedra, o socialista Tino Fernández, mostrouse esperanzado e con confianza en que sirva para deseñar unha folla de ruta que permita que a empresa e os postos de traballo continúen na comarca.
Para conseguilo, Fernández pide a todos os participantes que acudan con "vontade real para chegar a acordos".
O concelleiro aplaudiu tamén a "determinación" do Goberno e da ministra de Transición Ecolóxica, Teresa Ribera, para facer realidade unha iniciativa que os socialistas de Pontevedra levan demandando desde hai anos.
Con todo, Tino Fernández non puido ocultar a súa preocupación "ante a actitude un tanto díscola e arrogante que está a manter a Xunta". Neste sentido quixo poñer en valor o papel do seu partido para "facer de pegamento entre posturas enquistadas".
A única liña vermella que manteñen os socialistas é "Ence si, pero non aí".
Relacionadas:
-
Regades critica que a postura de Feijóo sobre Ence é "desconcertante": "xa tivo catro"
Por Redacción |
-
A APDR critica os "recursos e esforzos consumidos" por Transición Ecolóxica na mesa sobre o futuro de Ence
Por Redacción |
-
Transición Ecolóxica convoca para este mércores a mesa de traballo sobre o futuro de ENCE
Por Oskar Viéitez |