Máis de 25 emprendedores de Marín fórmanse para sacarlle partido á súa imaxe online
Por Redacción
Máis de 25 emprendedores de Marín fórmanse para mellorar a súa dixitalización e sacarlle partido á súa imaxe online.
Os concelleiros Cristina Acuña e Manuel Santos, acompañados pola secretaria técnica de APE Galicia, Sonia Acuña, e o presidente do colectivo, José Ramón Caldas, así como polo tesoureiro de Acemas, Manuel Solla, presentaron este luns a formación que arrancou nesta xornada e que está dirixida a emprendedores e autónomos de Marín.
Será da man da creadora de contenido y gerente de Paso a Paso Agency, Natalia Maquieira (@pasoapasoblog), que ten máis de 10 anos de experiencia e está especializada en comunicación dixital para marcas nos sectores de moda, beleza e estilo de vida. "Os usuarios pasamos moitas horas ao día en redes sociais. Convertéronse na porta principal para futuros clientes e a ferramenta definitiva de fidelización", asegura a mestra deste curso.
O obradoiro celebrarase a través de Zoom de 20.30 a 22.30 horas desde hoxe e ao longo do próximo mes.
Os inscritos aprenderán a utilizar todas as ferramentas e coñecementos básicos para que a imaxe online do seu negocio mellore notablemente e atraia clientes.