O Plan Concilia de Sanxenxo arrinca con 167 rexistrados e unha lista de espera de 7
Por Redacción
Apenas nove días despois de que arrincase o Plan Concilia de Sanxenxo, xa hai 167 rexistrados e unha lista de espera de 7, o que obriga a reforzar o persoal para dar resposta á demanda das familias. En total contratáronse un total de 18 monitores, un deles incorporarase nos próximos días e permitirá acoller aos nenos e nenas que se quedaron sen praza cumprindo a cociente de 10 usuarios por monitor, marcada pola actual normativa sanitaria.
O Concello de Sanxenxo apostou este ano, en colaboración coa Asociación Xuvenil Saraiba do Mar, por reforzar e diversificar un programa destinado ás familias que necesitan compaxinar a vida laboral e familiar durante o verán.
O plan conta con dúas propostas complementarias, coordinadas polas concellerías de Educación e Deportes, en dúas localizacións diferentes. O pavillón municipal de Baltar acolle a modalidade deportiva, en horario de 8 a 16 horas, pensada para nenos entre 6 e 14 anos, nos que se practicarán baloncesto, fútbol, voleibol praia, balonmán, béisbol, xogos na natureza. entre outras posibilidades.
O pavillón municipal da Florida é a localización para a proposta lúdica, prevista para nenos entre 3 e 12 anos, en horario de 8 a 15 horas, na que se inclúen veladas nocturnas, saídas ás praias, xogos tradicionais, xogos grupais, xogos de auga, manualidades, contacontos e demáis.
En canto ás tarifas, de 9 a 15 horas, fíxase unha cota por quincena de 60 euros por un mes 90 euros por dous meses, 170 euros e o programa completo por 200 euros. Se a familia necesita ampliar o horario, de 8 a 9 horas, deberase abonar 10 euros por quincena, e de 15 a 16 horas, terá un custo suplementario de 10 euros por quincena.
Relacionadas:
-
O programa 'Conciliando' volve a Sanxenxo este verán
Por Redacción |
-
80 nenos de Barro participan no Pazo da Crega nunha nova edición do "Espazo Concilia"
Por Redacción |
-
O campus polideportivo de Sanxenxo ofrecerá corenta prazas por quincena
Por Redacción |
-
Sanxenxo reforza este verán o Plan Concilia, que empezará o 23 de xuño
Por Redacción |