O PP rexeita a titulación universitaria para a Escola de Restauración no Parlamento
Por Redacción
Finalmente, o Parlamento Galego votou en contra a iniciativa de que a Escola Superior de Conservación e Restauración de Bens Culturais de Pontevedra póidase adscribir á Universidade de Vigo. A iniciativa presentada pola deputada nacionalista, Montse Prado, encontrouse cos votos desfavorables do Partido Popular.
Na iniciativa, o BNG reclamaba a consideración de "estudos universitarios" para as escolas superiores de ensinanzas artísticas coa titulación de grao e a deputada Montse Prado afirmou que algunhas comunidades autónomas xa o fixeron utilizando a lexislación educativa. A parlamentaria nacionalista indicou que xa existen antecedentes nese sentido entre os que destaca a Escola Naval de Marín e a de Negocios de Caixanova e sinalou que "a Xunta, nestes casos, non puxo inconveniente algún".
Engadiu que o alumnado que iniciou os estudos no curso 2010-11 coa perspectiva de lograr o grao universitario como reflectía a matrícula se encontra nunha situación de incerteza.
Mentres o debate se desenvolvía, os alumnos que percorreran durante esta semana o Camiño a Santiago manifestábanse polas rúas da capital galega. Durante esta marcha, ofreceron charlas, entre outros lugares, en Caldas de Reis e Padrón.
Relacionadas:
-
Restauración de Pontevedra contaxia o seu conflito a diferentes Escolas Artísticas de toda España
Por Oskar Viéitez & Mónica Patxot |
-
A Escola de Restauración inicia unha "marcha imparable" ata Santiago
Por Redacción |
-
Cadea humana dos alumnos da Escola de Restauración polo centro histórico
Por Anxo Lourido & Mónica Patxot |