Falece por covid-19 en Montecelo un home de 90 anos que procedía da residencia Soremay
Por Natalia Puga
Un home de 90 anos que estaba ingresado no Complexo Hospitalario Universitario de Pontevedra acaba de falecer por covid-19, elevando a 195 o total de vítimas mortais do virus na área sanitaria de Pontevedra e O Salnés desde o inicio da pandemia.
Segundo o balance oficial do Servizo Galego de Saúde, o home estaba ingresado no hospital, pero procedía da residencia de maiores Soremay de Pontevedra.
A Consellería de Sanidade confirmou o pasado 9 de agosto que había cinco usuarios da residencia Soremay contaxiados por covid-19. Este sábado 21, segundo as mesmas fontes, hai só catro usuarios que dan positivo no virus tras retirarse do cómputo unha persoa.
O Sergas confirmou este sábado que dúas persoas faleceron por coronavirus nas últimas horas en Galicia, ambas as con patoloxías previas á covid-19. Ademais do falecido en Pontevedra, confírmase que un home de 80 anos faleceu no Complexo Hospitalario Universitario da Coruña (CHUAC).
Relacionadas:
-
Unha paciente de 84 anos eleva a cinco as mortes con covid en Montecelo desde o sábado
Por Redacción |
-
Pequeno alivio no ritmo de novos positivos de covid-19, con 31 diarios na área sanitaria
Por Natalia Puga | Creada e actualizada
-
A área sanitaria volve confirmar 70 novos positivos de covid-19 mentres se reduce a presión nos hospitais
Por Natalia Puga | Creada e actualizada