Nas últimas 24 horas confirmáronse 92 novos casos de coronavirus na área sanitaria
Por Oskar Viéitez
O Servizo Galego de Saúde (Sergas) notifica este xoves 2 de decembro, 667 persoas con infección activa de covid-19 na área sanitaria de Pontevedra e O Salnés. Son 75 máis que onte mércores.
Nas últimas 24 horas confirmáronse 92 novos casos nas probas diagnósticas de infección activa practicadas.
O número de pacientes hospitalizados é de 21 persoas atendidas en planta de hospitalización. Destes, 19 están no Hospital Montecelo e 2 no Hospital do Salnés. Hai 3 pacientes ingresados en estado crítico na Unidade de Coidados Intensivos (UCI) de Montecelo.
O resto dos que contraeron o virus, 643 casos, atópanse illados nos seus domicilios con sintomatoloxía breve ou asintomáticos.
Desde o inicio da pandemia 21.447 pacientes da área sanitaria superaron a covid-19, 18 máis nas últimas 24 horas. Durante a pandemia rexistráronse 207 falecementos asociados ao virus nesta área sanitaria. A última onte mércores, en Montecelo, unha muller de 81 anos que presentaba patoloxías previas.
En canto á realización de probas PCR, fixéronse na área sanitaria de Pontevedra e O Salnés nas últimas horas 714, o que suma un total de 319.121. A estas probas súmanse as 161.805 probas de antíxenos e outras 111.900 probas de detección realizadas ata a data.
Relacionadas:
-
Detectan 153 novos contaxios nunha área sanitaria que roza xa os 800 casos activos
Por Alejandro Espiño |
-
Segunda vítima da covid-19 nunha semana na área sanitaria
Por Natalia Puga |
-
Os hospitais da área sanitaria suman 20 ingresados por covid dos que 3 están na UCI
Por Oskar Viéitez |
-
A área sanitaria confirma 78 novos positivos por covid-19 nun día e xa supera os 500 casos
Por Natalia Puga |